Iedzīvotājiem

Igors Pličs – fotografs, uzjiemiejs i viesturis zynuotuojs

“Fotografs, viestures zynuotuojs i uzjiemiejs Igors Pličs piec izgleiteibys ir vīns nu rešūs fototehnologu Latvejā. Jis ir vaira nikai 15 000 dažaidu postkaršu autors, juo fotografejis izmontotys daudzūs bukletūs i ceļvežūs. Kai fotografs sovuos fotografejuos jis īmyužynuojs Latvejis i Latgolys cylvākus, dobu, myusu liktiņupi Daugavu. 2013. godā sajiemis pīktuos škirys Atzineibys krystu.  Jis organiziejs daudzys personalizstuodis, dybynuojs Latgolys fotografu bīdreibu, izdevs apjūmeigus fotoalbumus “Latgale fotogrāfijās” i “Latgalietis XXI gadsimtā”. Taipat jis sastatiejs ari vairuokys citys gruomotys, vīna nu tūs dīnys gaismu īraudzejuse napasen augustā – „Preiļu lauksaimniecības skola 1924.–1945. Hronika”. Igors Pličs senuokajā kūka byuvē Preiļūs izveiduojs ari apjūmeigu Latgolys senlītu muzeju i leidz ituo goda juļam turistus uzjieme sovā vīsu nomā “Pie Pliča”, kur pogolmā vysim kristīšim atvārts arī mozuokais dīvnoms. Bet nu ituo goda vosorys Igors Pličs sovu uzjiemiejdarbeibu ir puortraucs.

Raidejumā Preiļūs sasateikam ar Igoru Pliču, kab apsarunuotu ar jū par fotografeju, viesturis zynuošonu nūzeimeigumu sabīdreibā i juo puordūmom par aktualim politiskim i sabīdreibys procesim apliek.

Latgolys stuņdē kai īrosts ari aizvadeituos nedelis aktualitatis i gaidomī kulturys dzeivis nūtykumi.

Īsaklausi! Raidam latgaliski!”

Raidījuma ierakstu klausies vietnē.